>
Sanchar Club

४० वर्षपछि आज कुवेत र नेपाल भिड्दै

४० वर्षपछि आज कुवेत र नेपाल भिड्दै
सञ्‍चार क्लव
३ हप्ता पहिले

२०७९ जेठ २८ काठमाडौं । नेपालका लागि कुवेतसँगको फुटबल सम्बन्ध जति ऐ​तिहासिक छ त्यति नै खल्लो पनि। ​ कुवेतविरुद्ध नेपालको राम्रो नतिजा सन् २०१९ मा भएको मैत्रि पूर्ण खेल हो, जसमा बराबरी भएको थियो।

नेपालले सन् १९८२ देखि हालसम्म कुवेतविरुद्ध आठपटक प्रतिस्पर्धा गर्दा सातवटामा नेपालले पराजय भोगेको छ। अर्थात् नेपालले कहिले पनि कुवेतलाई हराउन सकेको छैन।

कुवेतसँग पहिलो अन्तर्राष्ट्रिय गोल गरेको नेपालले ४० वर्ष भएको छ। त्यसयता नेपाल जितको खोजीमा मात्र होइन कुवेतविरुद्ध गोलविहीन बन्दै आएको छ। नेपालले कुवेतसँग ३० गोल बेहोरेको छ।

वाईबी घलेले सन् १९८२ मा गरेको गोल नै कुवेतविरुद्ध नेपालको एक मात्र गोल हो। उक्त खेलमा नेपाल ३–१ ले पराजित भएको थियो।

एएफसी एसियन कप २०२३ तेस्रो चरणको छनोटअन्तर्गत दोस्रो खेलमा शनिबार घरेलु टिम कुवेतविरुद्ध मैदान उत्रिँदा स्वाभाविक रूपमा इतिहास बनाउनुपर्ने चुनौती छ। खेल कुवेत सिटीस्थित अल जबर अन्तर्राष्ट्रिय रंगशालामा नेपाली समयअनुसार राति १० बजे सुरु हुनेछ।

छनोटको समूह ‘ए’ मा रहेको नेपाल यसअघि पहिलो खेलमा जोर्डनसँग २–० ले पराजित भएको थियो। नेपालले छनोटको अन्तिम खेलमा ३१ जेठमा इण्डोनेसियासँग खेल्ने तालिका छ।